पोलीस प्रशिक्षण केंद्र , नानवीज- दौंड येथे सत्र क्र . ४१ चा दिक्षांत संचलन समारंभ :श्री कृष्ण प्रकाश,पोलीस आयुक्त पिंपरी चिंचवड यांचे उपस्थितीत,

पोलीस प्रशिक्षण केंद्र , नानवीज- दौंड येथे सत्र क्र . ४१ चा दिक्षांत संचलन समारंभ 

पोलीस प्रशिक्षण केंद्र , नानवीज- दौंड येथे सत्र क्र . ४१ चा दिक्षांत संचलन समारंभ प्रमुख अतिथी श्री कृष्ण प्रकाश , पोलीस आयुक्त पिंपरी चिंचवड यांचे उपस्थितीत पार पडला. 

प्रतिनिधि महेश गडदे,

दिक्षांत संचलनाचे नेतृत्व प्रशिक्षणार्थी सौरभ कोलते यांनी केले . यावेळी प्रशिक्षण केंद्राचे प्राचार्य श्री . संदिप आटोळे यांनी या प्रशिक्षणाबाबतचे अहवाल वाचन करुन संस्थेच्या कामकाजाची माहिती दिली. 

सदर संचलन समारंभास मा . श्री . तानाजी चिखले , समादेशक रा . रा . पोलीस बल गट क्र .०५ , दौंड , श्री . संग्राम डांगे , वैद्यकीय अधिक्षक , उपजिल्हा रुग्णालय , दौंड , मा . श्री . संजय गित्ते , शाखा अभियंता सार्वजनिक बांधकाम पुर्व विभाग पुणे , तसेच दौंड शहरातील शौर्य अॅकॅडमीचे छात्र , पत्रकार बांधव व पोलीस प्रशिक्षण केंद्रातील सर्व अधिकारी व कर्मचारी मोठया संख्येने उपस्थित होते.

प्रमुख अतिथी यांनी सर्व यशस्वी प्रशिक्षणार्थीचे अभिनंदन केले . प्रशिक्षणार्थीचे दिमाखदार संचलन , पोलीस प्रशिक्षण केंद्र नानवीज - दौंड येथे राबविलेले विविध उपक्रम , व्हर्म्युअल क्लासरूम , IED पार्क , मॉडेल पोलीस स्टेशन , ट्राफिक पार्कचे आधुनिकीकरण व नव्याने शिकविण्यात आले भावनिक प्रज्ञावंत पोलीस इ . उत्कृष्ट कामकाजाबाबत प्राचार्य श्री . संदिप आटोळे आणि त्यांच्या सहकाऱ्यांचे कौतुक केले . तसेच रक्तदान शिबीर , विविध वृक्षांची लागवड इ . पर्यावरणपूरक विविध उपक्रम राबविल्याने संस्थेच्या कामकाजाबद्दल कौतुक केले . पोलीस प्रशिक्षण केंद्र , नानवीज येथे कृतीशील प्रयोगाच्या माध्यमातून तयार झालेला अष्टपैलू पोलीस कर्तव्यनिष्ठेने समाजाचे रक्षण करून महाराष्ट्र पोलीस दलाची शान नक्कीच उंचावेल व पोलीसांचे " सद्ररक्षणाय खलनिग्रहणाय " या ब्रीद वाक्याला साजेसे वर्तन ठेवेल असा विश्वास व्यक्त केला.

अष्टपैलू प्रथम म्हणून विशाल जगताप ( बीड ) , 

अष्टपैलू द्वितीय शाम माने ( नांदेड ) , 

आंतरवर्ग प्रथम आकाश बिराजदार ( लातूर ) , 

गोळीबार प्रथम क्रमांक महादेव गोयकर ( जळगाव ) , 

बेस्ट टर्न आऊट सौरभ कोलते ( जळगाव ) , 

उत्कृष्ट खेळाडू सुनिल यादव ( गोंदीया ) या प्रशिक्षणार्थीना प्रमुख अतिथी मा . श्री . कृष्ण प्रकाश यांचे हस्ते सन्मान चिन्ह व प्रशस्तीपत्र देऊन गौरविण्यात आले. 

त्याचप्रमाणे या प्रशिक्षण सत्रात उत्कृष्ट कामगिरी बजावणाऱ्या अधिकारी व कर्मचाऱ्यांना सन्मानचिन्ह व प्रशस्तीपत्र देऊन मा . अतिथींच्या हस्ते गौरविण्यात आले.

प्रशिक्षण केंद्रास विशेष सहाय्य करणाऱ्या शासनाच्या अन्य विभागाचे अधिकारी श्री . संग्राम डांगे , वैद्यकीय अधिक्षक , उपजिल्हा रुग्णालय , दौंड , मा . श्री . संजय गित्ते , शाखा अभियंता सार्वजनिक बांधकाम पुर्व विभाग पुणे यांना मा . अतिथींच्या हस्ते सन्मानचिन्ह देऊन प्रशिक्षण केंद्राच्या वतीने कृतज्ञता व्यक्त करण्या आली . सत्र क्र . ४१ मधील स्मृतींना उजाळा देणारी " स्मृतीगंध " ही स्मरणीका मा . प्रमुख अतिथी यांचे हस्ते प्रदर्शित करण्यात आली . उप- प्राचार्य श्री . एच पी मुलाणी यांनी प्रमुख अतिथी , पत्रकार व उपस्थित सर्व मान्यवरांचे आभार व्यक्त करून प्रशिक्षणार्थीना शुभेच्छा दिल्या.